«Օրական 5 միրգ» կանոնը չի աշխատում

Հետազոտողների միջազգային թիմի մասնագետները հաստատում են, որ 1990 թ. Առողջապահության համաշխարհային կազմակերպության կողմից ձեւավորված «Օրական 5 միրգը եւ բանջարեղենը պաշտպանում են քաղցկեղից» կանոնը չի աշխատում։

Ընդամենը 2,5 տոկոս դեպքերում է հնարավոր քաղցկեղը կանխել մրգերի եւ բանջարեղենի օգտագործումը մեծացնելով։ Ընդ որում՝ բանջարեղեններն ավելի արդյունավետ են աշխատում։ Լոլիկի մեջ, օրինակ՝ կա լիկոպեն, որն իջեցնում է շագանակագեղձի քաղցկեղի ռիսկը։ Բրոկկոլին հարուստ է քիմիական այնպիսի նյութերով, որոնք նվազեցնում են աղիքների քաղցկեղի զարգացման ռիսկը։ Մյուս կողմից, ինչպես խոստովանում են գիտնականները, 2,5 տոկոսը դա միայն Մեծ Բրիտանիայում տարեկան 7 հազար մարդ է կազմում։

Հետեւաբար, պետք է ոչ այնքան հույսը դնել բանջարեղենի վրա, որքան հավասարակշռված սննդակարգին զուգահեռ հրաժարվել վնասակար սովորություններից՝ թողնել ծխելը եւ կրճատել ալկոհոլի օգտագործումը։

Հարցեր, պատասխաններ, մեկնաբանություններ